ကိုရီးယားနဲ့ မြန်မာနိုင်ငံမှာသာရှိတဲ့ တစ်နှစ်လုံးမှာ တစ်ရက်သာပေါ်လာတဲ့ နတ်တွေခင်းတဲ့လမ်း

ကမ္ဘာမှာ ကိုရီးယား နဲ့ မြန်မာနိုင်ငံမှာသာရှိတဲ့ တစ်နှစ်မှာ တစ်ရက်သာပေါ်လာတဲ့ နတ်တွေခင်းတဲ့လမ်း

ဒီလမ်းလေးဟာ တစ်နှစ်မှာ တစ်ရက်  တစ်ရက်မှာ တစ်ကြိမ် တစ်ကြိမ်မှာ လေးနာရီလောက်သာ ပေါ်သောလမ်းလေးဘဲ ဖြစ်ပါတယ်။ဒေသခံတွေရဲ့ ပြောကြားချက်အရတော့ ဒီလမ်းဟာ နတ်တွေခင်းတဲ့လမ်း ဟုလည်း သိခဲ့ရပါတယ်။

ကမ္ဘာမှာ ကိုရီးယားနှင့် မြန်မာနိုင်ငံမှာသာရှိသော လမ်းဘဲဖြစ်ပါတယ်။နှစ်စဉ် တန်ဆောင်မုန်းလပြည့်ကျော် (၃)ရက်မှာ လမ်းအပြည့်ပေါ်လာသောလမ်းပါ။ကမ္ဘာမှာ ကိုရီးယားနှင့် မြန်မာနှစ်နိုင်ငံသာ ရှိသောပင်လယ်တွင်းလမ်းဘဲဖြစ်ပါတယ်။ (ကိုရီးယားမှာလည်း တစ်ရက်သာပေါ်သည်။

သို့သော် ပေါ်သည့်ရက်ချင်း မတူပါ။)စာရေးသူတို့ဟာ ဒီလမ်းကိုလျှောက်ရဖိုရန် တန်ဆောင်မုန်းလပြည့်ကျော် (၂)ရက်နေ့ ည (၁ဝ:ဝဝ) နာရီအချိန်တွင် မော်လမြိုင်မှထွက်ခဲ့ပြီး ဒီလမ်းတည်ရှိရာ ပင်လယ်ကမ်းခြေသို့ တန်ဆောင်မုန်းလပြည့်ကျော် (၃)ရက်နေ့မနက် (၁၂:၂ဝ) အချိန်ဝန်းကျင်ခန့် ရောက်ရှိခဲ့တာပါနော်။

(၂)ရက်နေ့ည တစ်ညလုံး မအိပ်ဘဲ ကမ်းခြေတွင်လမ်းလျှောက် ထိုင်နားပြီး ဒီရေအကျကို တစ်ညလုံးစောင့်လို့ (၃)ရက်နေ့ မနက် (၄:ဝဝ) အချိန်တွင် ဒီရေစကျခဲ့ပါတယ်။ ထိုအချိန်မှစ၍ အနယ်နယ်အရပ်ရပ်မှ ဘုရားဖူးရောက်လာကြကုန်သော တစ်သိန်းကျော်သော ဘုရားဖူးတို့ဟာ

နတ်တို့ခင်းထားသည်ဆိုသော လမ်းကိုစ၍ ကူးကြပါတယ်။လမ်းအားလုံးပေါ်ချိန်ဟာ နံနက် (၆:ဝဝ)နာရီ ဝန်းကျင်ဖြစ်ပြီးတော့ ထိုအချိန်မှာ လမ်းအလုံးစုံ ပေါ်တယ်လို့ သိရပါတယ်။ထိုလမ်းဟာ ကွန်ကရစ်ခင်းထားခြင်းမျိုးလည်းမဟုတ်ဘဲ တံတားထိုးထားခြင်းလည်း မဟုတ်ပါ။

ပင်လယ်ကမ်းခြေမှ (၃)ဖာလုံခန့် ဝေးသောနေရာမှစ၍ စေတီတည်ရှိရာကျွန်းအထိ အလုံးစုံ ကျောက်စရစ်ခဲ အရွယ်စုံတို့ဖြင့်ခင်းထားခြင်းဖြစ်ပြီး ဒီရေ အတက်အကျဖြစ်တိုင်း ထိုကျောက်စရစ်ခဲများမှာ ပင်လယ်ကြမ်းပြင်သို့ မျောပါသွားခြင်းမရှိဘဲနဲ့

ကမ်းခြေနှင့် သုံးဖာလုံခန့်အကွာအဝေးမှ စ၍ ရေလယ်ကျွန်း ဘုရားရှိရာထိတည်ရှိနေခြင်းပင်ဖြစ်ပါတယ်။နေ့စဉ် လစဉ်  ရက်စဉ် ဒီရေအတက်အကျရှိသော်လည်း လမ်းဟာ ယခုကဲ့သို့ မပေါ်ပါ။ နှစ်စဉ် တန်ဆောင်မုန်းလပြည့်ကျော် (၃)ရက်နေ့မှသာ တစ်လမ်းလုံး အပြည့်ပေါ်လာခြင်းပင်ဖြစ်တယ် သိရပါတယ်။

ပေါ်သည့်အချိန်ဟာလည်း လေးနာရီခန့်သာ ဖြစ်ပြီးထိုနေ့ (တန်ဆောင်မုန်းလပြည့်ကျော် ၃ရက်) နေ့တစ်နေ့သာ ပေါ်ခြင်းဖြစ်ပါတယ်။ထိုနေ့တွင် မြန်မာနိုင်ငံ အနှံ့အပြားမှ ဘုရားဖူးများ , လာရောက်လေ့လာသူ သုတေသီများ တစ်သိန်းခွဲကျော်ခန့်ဖြင့် အလွန်ပင်စည်းကားလှပါတယ်။

လမ်းလေးကတော့  မော်လမြိုင်မှ သံဖြူဇရပ်သို့ မော်လမြိုင် ကျိုက္ခမီလမ်းမကြီးအတိုင်း ကားစီးပြီး သံဖြူဇရပ်ရောက်သည့်အခါ မြို့လယ်အဝိုင်းကိုပတ်၍ ကမ္ဘာကျော် သမိုင်းဝင် သေမင်းတမန် မီးရထားလမ်း လမ်းခွဲရောက်သည့်အခါ

ပငကျေးရွာ ဘက်သို့ ချိုးကွေ့ဝင်သွားရပြီး  ပငကျေးရွာ  လွန်လျှင်  ကရုပ္ပိ စံပြကျေးရွာ  သို့ ရောက်ရှိပါမည်ထို ကရုပ္ပိ စံပြကျေးရွာ  ရွာလမ်းအတိုင်း ဝင်ပြီး ထိုရွာမှထွက်လျှင် ဆားလုပ်ငန်း (ဆားကွင်း) များ တွေ့ရှိရမည် ဖြစ်ပါတယ်။

ထို (ဆားကွင်း) များကို အနည်းငယ်ကျော်ဖြတ်ပြီးလျှင် ပင်လယ်ကမ်းခြေသို့ ရောက်ရှိပါမည် ။ ကမ်းခြေသို့ ရောက်သည့်အခါ ဒီရေအကျကို စောင့်ဆိုင်းပြီး ကားများကို ကမ်းခြေမှာ ခေတ္တ ရပ်နားထားရမှာဖြစ်ပါတယ် ။လမ်းလျှောက်လိုပါကလည်း ကားရပ်နားထားရာမှ လမ်းပေါ်ရာနေရာသို့

ကမ်းခြေအစပ်အတိုင်း (၃)မိုင်ကျော်ခန့် လမ်းလျှောက်ရမှာ ဖြစ်ပါတယ် ။ လမ်းပေါ်လာချိန်မှာ ထိုကျောက်စရစ်ခဲလမ်းပေါ်ရာ အစမှ ရေလယ်ဘုရားရောက်သည်အထိ (၃) မိုင်ခွဲခန့် လမ်းလျှောက်ရမှာဖြစ်ပြီး နံနက် (၁ဝ:ဝဝ)နာရီအချိန်တွင် ဒီရေပြန်တက်သည့်အတွက် ရေလည်ဘုရားမှ ဘုရားအားဖူးမြော်ပြီး

(၁ဝ:ဝဝ) နာရီမထိုးခင် ကမ်းခြေအရောက်ပြန်ရမှာ ဖြစ်ပါတယ်နော်။ကျောက်စရစ်ခဲများအရွယ်စုံဖြင့် ခင်းထားသော ဤနတ်လမ်းတည်ရှိရာသည် မွန်ပြည်နယ် ၊ သံဖြူဇရပ်မြို့နယ်ဝဲကလောင်ကျေးရွာနှင့် အံခဲကျေးရွာတို့၏ အလယ်တွင် တည်ရှိပါတယ်နော်။credit;ဟံသာသူရ { ရတုနွယ် }

Tags:

Add a Comment

Your email address will not be published. Required fields are marked *