ပိဋကတ် ၃ပုံကို သစ်သားဖြင့် ရေးထွင်းထားပြီး အချပ်ရေပေါင်း ၈သောင်းကျော်ရှိရာ ကြည်ညိုဖွယ်ရာနေရာ

ပိဋကတ် ၃ပုံကို သစ်သားဖြင့် ရေးထွင်းထားပြီး အချပ်ရေပေါင်း ၈သောင်းကျော်ရှိရာ ကြည်ညိုဖွယ်ရာနေရာ

ကျွန်တော်တို့ မန္တလေးမှ ကုသိုလ်တော်ဘုရားဟာ ဗုဒ္ဓဘာသာ ပိဋကတ်ကျောက်စာချပ်ပေါင်း ၇၂၉ ချပ် ရှိတဲ့အတွက်ကြောင့် ကမ္ဘာ့အကြီးဆုံးစာအုပ်အဖြစ် မှတ်တမ်းဝင်ထားတာပါ။ ကုသိုလ်တော်ဘုရားလိုမျိုး

ဗုဒ္ဓပိဋကတ်စာပေတွေရေးထိုးထားတဲ့နေရာတခုဟာ တောင်ကိုရီးယားနိုင်ငံမှာလည်း ရှိနေပါတယ်နော်။ အဲဒီနေရာကိုတော့ Tripitaka Koreana လို့ လူသိများပြီးတော့ ပိဋကတ် ၈သောင်း လို့လည်းခေါ်ကြပါတယ်နော်။

ဒီနေရာရဲ့ အကြောင်းကို မိတ်ဆွေများအတွက် ဗဟုသုတ အနေနဲ့ ဝေမျှပေးလိုက်ပါတယ်နော်။Tripitaka Koreana လို့ခေါ်တဲ့ ဒီနေရာကတော့ တောင်ကိုရီးယားနိုင်ငံတောင်ပိုင်း Gyeongsang ပြည်နယ်ရှိ Gaya တောင်စောင်းက ဟိန်းဆာ ဗုဒ္ဓဘာသာဘုရားကျောင်းမှာ တည်ရှိနေတာပါ။

ဟိန်းဆာဗုဒ္ဓဘာသာ ဘုရားကျောင်းက တောင်ကိုရီးယားနိုင်ငံရဲ့ အရေးပါဆုံးသော ဘာသာရေးအဆောက်အအုံလည်းဖြစ်ပါတယ်နော်။ အဲ့ဒီနေရာရဲ့ မူလအမည်က Goryeo Tripiṭaka ဖြစ်ပြီးတော့ Goryeo ကတော့ ၁၀ရာစု နဲ့ ၁၄ရာစုကြား

ကိုရီးယားဘုရင့်နိုင်ငံကို ခေါ်တဲ့အမည်ဖြစ်ပါတယ်နော်။ပထမဆုံး ကိုရီးယားရဲ့ ပိဋကတ် ၃ပုံရေးထိုးမှုကို Goryeo–Khitan စစ်ပွဲကာလအတွင်း အေဒီ ၁၀၁၁ မှာ စတင်ရေးထိုးခဲ့တာဖြစ်ပြီးတော့ ၁၀၈၇ ခုနှစ်အောင်မြင်ပြီးစီးခဲ့တာပါ။

နောင်နှစ်ပေါင်းများစွာကြာတဲ့အထိ ပိဋကတ်တော်တွေကို မပျက်မစီးပဲ ဖတ်ရှု့နိုင်ဖို့ သစ်သားတုံးတွေမှာ ရေးထွင်းထားခဲ့ကြတာပါ။ မူလ Tripiṭaka Koreana မှာ အတွဲပေါင်း ၆၀၀၀ ခန့်ကို ရေးထွင်းထားခဲ့ပါတယ်။

မူလ သစ်သား ပိဋကတ်တော်တွေဟာ ကိုရီးယားကို မွန်ဂိုတွေကျူးကျော်တိုက်ခိုက်ချိန် အေဒီ ၁၂၃၂ မှာတော့ မီးလောင်ကာ ပျက်စီးခဲ့ရပြီး ပျက်စီးခဲ့တဲ့ အပိုင်းအစတွေဟာ အခုထိတိုင်ကျန်ရစ်နေပါသေးတယ်နော်။

အေဒီ ၁၂၃၇ မှာ ဘုရင် Gojong ရဲ့ အမိန့်ကို Choe U နဲ့ သားဖြစ်သူ Choe Hang တို့က ပံ့ပိုးကာ ပိဋကတ်တွေကို ပြန်လည်ရေးထွင်းခဲ့ပြီးတော့ ၁၂နှစ် အကြာမှာ ပြီးစီးခဲ့ပါတယ်။ ဒီရေးထွင်းမှုလုပ်ငန်းစဉ်မှာ ငွေကြေးမြောက်များစွာ သုံးခဲ့ရသလို

ဘုန်းတော်ကြီး နဲ့ အခြားလုပ်သားပေါင်း ထောင်ချီပါဝင်လုပ်ဆောင်ခဲ့ကြတာဖြစ်ပါတယ်။ရေးထွင်းခဲ့ကြရာနေရာကတော့ လက်ရှိတောင်ကိုရီးယားမြို့တော် ဆိုးလ်ရဲ့ အနောက်ဘက် မိုင် ၃၀ အကွာခန့်မှာမှာရှိတဲ့ Ganghwa ကျွန်းပေါ်မှာဖြစ်ပါတယ်နော်။

ရေးထွင်းမယ့် သစ်သားတွေကိုတော့ silver magnolias, white birches နဲ့ ချယ်ရီပင်တွေကနေ ရယူတယ်လို့ သိရတာပါ။ သစ်သားတွေကို ပင်လယ်ရေထဲမှာ ၃နှစ်ခန့်ထားရှိပြီးမှ လိုအပ်သလောက် အပိုင်းပိုင်းဖြတ်ခြင်းကိုတော့ အပြစ်အနာဆာမရှိစေရန် ဆောင်းရာသီမှာ ပြုလုပ်ခဲ့တယ်လို့ သိရပါတယ်။

စာမရေးထွင်းမီမှာ သစ်သားတုံးတွေကို ပိုးမွှားကိုက်ခြင်း နဲ့ မှိုတက်တာကင်းဝေးစေဖို့အတွက် ဆူပွက်တဲ့ ဆားငန်ရေထဲမှာ ထည့်ထားရပါသေးတယ်။ အဲဒီနောက် ခြောက်သွေ့စေပြီးတဲ့နောက်မှ ရေးထိုးခြင်းကို ပြုရတာပါ။

Yi မင်းဆက်လက်ထက်မှာတော့ ဒီသစ်သားပိဋကတ်တော်တွေကို Ganghwa ကျွန်းကနေ လက်ရှိနေရာ Haeinsa ဘုရားကျောင်းသို့ ရွှေ့ပြောင်းခဲ့ပါတယ်။ ပိဋကတ်တွေထားဖို့ အဆောက်အဦးတွေကိုတော့ ၁၅ရာစုမှာ ဆောက်လုပ်ခဲ့ကြတာပါ။

သစ်သားတုံးတွေကို ယိုးယွင်းပျက်စီးမှုမရှိစေရန်အတွက် သိုလှောင်ရာ အဆောက်အအုံတွေရဲ့ လေဝင်လေထွက်စနစ် ၊ အပူချိန် နဲ့ ရေငွေ့စိုထိုးမှုတွေကို အဲဒီခေတ်က ပညာရှင်တွေက ချိန်ညှိတည်ဆောက်ပေးခဲ့ကြတာဖြစ်ပါတယ်နော်။

ဒါကြောင့်လည်း နှစ်ပေါင်း ၇၀၀ကျော်တိုင် မူလအတိုင်း တည်ရှိနေတာလို့ သိရပါတယ်။Tripiṭaka Koreana မှာ သစ်သားတုံးပေါင်း ၈၁၂၅၈ တုံး ပါဝင်ပြီးတော့ Hanja အက္ခရာနဲ့ရေးထိုးထားတဲ့ ပိဋကတ်တွေထဲမှာ အပြည့်စုံဆုံး နဲ့ ရှေးအကျဆုံးအဖြစ် သတ်မှတ်ခံရတာပါ။

စာလုံးရေပေါင်း ၅၂သန်းကျော်ပါဝင်ပြီးတော့ ခေါင်းစဉ်ကြီးပေါင်း ၁၄၉၆ အတွဲပေါင်း ၆၅၆၈တွဲ ပါဝင်ပါတယ်။ သစ်သားတုံးတွေရဲ့ အမြင့်ဟာ ၂၄စင်တီမီတာကနေ ၇၀စင်တီမီတာအထိရှိကြပြီး အထူကတော့ ၂.၆စင်တီမီတာ ကနေ ၄စင်တီမီတာ အထိ ရှိကြပါတယ်။

အလေးချိန်အားဖြင့်ကတော့ ၃ကီလိုဂရမ်ကနေ ၄ကီလိုဂရမ်အထိ ရှိကြပါတယ်။ ဒီသစ်တုံးတွေကို ဆက်လိုက်မယ်ဆိုရင် ပေ ၉၀၀၀ ကျော်မြင့်တဲ့ Baekdu တောင်ကိုတောင် ကျော်သွားဦးမှာဖြစ်ပါတယ်။

သစ်သားတုံး ၁တုံးစီမှာတော့ စာကြောင်း ၂၃ကြောင်း ၊ ၁ကြောင်းမှာ စာလုံးရေ ၁၄လုံးစီ ပါဝင်ပြီး မျက်နှာ နှစ်ဖက်စလုံးမှာဆိုရင် စာလုံးရေ ၆၄၄လုံး ပါဝင်ပါတယ်။ သစ်သားတွေမှာ ရေးထွင်းထားတဲ့ လက်ရေးအားလုံးဟာ ထပ်တူညီနီးပါးဖြစ်နေတဲ့အတွက်

ရေးထွင်းသူ တယောက်တည်းသာဖြစ်မယလို့ ယူဆခဲ့ကြပေမယ့်လည်း နောက်ပိုင်းလေ့လာမှုတွေအရတော့ လူပေါင်း ၃၀ ခန့် ရေးထိုးခဲ့ကြတာလို့ သိရပါတယ်။စုစုပေါင်း အလေးချိန်အားဖြင့် ၂၈၀ တန်လောက်လေးတဲ့ ဒီပိဋကတ်သစ်တုံးတွေကို

ထုပ်ပိုးခြင်းမပြုပဲ ဒီအတိုင်းထားလာတာ လွန်ခဲ့တဲ့နှစ်ပေါင်း ၇၅၀ ကတည်းက ဖြစ်ပါတယ်။ မူလနာမည် Goryeo Tripiṭaka ကနေ ယခုခေါ်နေကြတဲ့ Tripiṭaka Koreana ဆိုတဲ့အမည်ကို ကိုရီးယားဗုဒ္ဓဘာသာ ပါမောက္ခ Robert Buswell Jr. ပြောင်းလဲပေးခဲ့တာဖြစ်ပါတယ်။

Tripiṭaka Koreana ဟာ မူလတိပိဋကတ်ထက် ပိုမိုများပြားပါတယ်။ အကြောင်းကတော့ ပိဋကတ်တော်တွေကိုသာမက ခရီးသွားမှတ်တမ်းတွေ ၊ သင်္သကရိုက် နဲ့ တရုတ်အဘိဓာန်တွေ ၊ ဘုန်းတော်ကြီး

သီလရှင်တွေရဲ့ ထေရုပ္ပတ္တိတွေကိုပါ ထည့်သွင်းရေးထွင်းထားခဲ့တာကြောင့် ဖြစ်ပါတယ်။Tripiṭaka Koreana ကို ၁၉၆၂ ခုနှစ်မှာတော့ တောင်ကိုရီးယားနိုင်ငံရဲ့ နိုင်ငံ့ရတနာအဖြစ် သတ်မှတ်ခဲ့ပြီးတော့ ၂၀၀၇ ခုနှစ်မှာတော့

ယူနက်စကိုရဲ့ ကမ္ဘာ့အမွေအနှစ်စာရင်းမှာ ထည့်သွင်းသတ်မှတ်ခြင်းခံခဲ့ရပါတယ်နော်။ဖတ်ရူပေးကြတဲ့ ပရိတ်သတ်ကြီးလည်း သာယာပျော်ရွှင်ဖွယ် နေ့ရက်တေကို ပိုင်ဆိုင်နိုင်ကြပါစေနော်။Credit;သုတဇုန်

Add a Comment

Your email address will not be published. Required fields are marked *